‘ಕಾಟೇರ’ ಚಿತ್ರಕ್ಕೆ ಕಾಲಿವುಡ್, ಹಾಲಿವುಡ್ ದಿಂದಲೂ ಬಂತು ಬೇಡಿಕೆ; ಬ್ರೇಕಿಂಗ್​ ನ್ಯೂಸ್​ ಕೊಟ್ಟ ತರುಣ್​ ಸುಧೀರ್​

ಕಾಟೇರ’ ಯಶಸ್ಸಿನ ಬಳಿಕ ತರುಣ್​ ಸುಧೀರ್​ ಪ್ರತಿಕ್ರಿಯೆ ನೀಡಿದ್ದಾರೆ. ‘ಈಗ ಹಿಂದಿ, ತಮಿಳು, ತೆಲುಗಿನಿಂದ ಕರೆಗಳು ಬರುತ್ತಿವೆ. ಅದಕ್ಕೆ ನಾವು ಮೊದಲೇ ಪ್ರಿಪೇರ್​ ಆಗಿದ್ದೆವು. ರಾಕ್​ಲೈನ್​ ವೆಂಕಟೇಶ್​ ಅವರು ಮಾತುಕತೆ ನಡೆಸುತ್ತಿದ್ದಾರೆ. ಶೀಘ್ರದಲ್ಲೇ ಆ ಬಗ್ಗೆ ಅಧಿಕೃತ ಘೋಷಣೆ ಆಗಲಿದೆ’ ಎಂದು ತರುಣ್​ ಸುಧೀರ್​ ಹೇಳಿದ್ದಾರೆ.

ದರ್ಶನ್​ ನಟನೆಯ ‘ಕಾಟೇರ’ ಸಿನಿಮಾ (Kaatera Movie) ನೋಡಿ ಕನ್ನಡಿಗರು ಭೇಷ್​ ಎಂದಿದ್ದಾರೆ. ಇದು ಪ್ಯಾನ್​ ಇಂಡಿಯಾ ಸಿನಿಮಾ ಅಲ್ಲ. ಕೇವಲ ಕನ್ನಡದಲ್ಲಿ ಮಾತ್ರ ಬಿಡುಗಡೆ ಆಗಿದೆ. ಆದರೆ ಕರ್ನಾಟಕದಲ್ಲಿ ಸೂಪರ್​ ಹಿಟ್​ ಆದ ಬಳಿಕ ತೆಲುಗು, ತಮಿಳಿನಿಂದ ಬೇಡಿಕೆ ಬಂದಿದೆ ಪರಭಾಷೆಗೂ ಡಬ್​ ಮಾಡಿ ‘ಕಾಟೇರ’ ಸಿನಿಮಾವನ್ನು ಬಿಡುಗಡೆ ಮಾಡಲು ಪ್ಲ್ಯಾನ್​ ನಡೆದಿದೆ. ಆ ಬಗ್ಗೆ ನಿರ್ದೇಶಕ ತರುಣ್​ ಸುಧೀರ್ (Tharun Sudhir)​ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ‘ಇದೇ ಕಥೆಯನ್ನು ಡಬ್ಬಿಂಗ್​ ಮಾಡಿದರೆ ಅದು ಪ್ಯಾನ್​ ಇಂಡಿಯಾ. ಈಗ ಹಿಂದಿ, ತಮಿಳು, ತೆಲುಗಿನಿಂದ ಕರೆಗಳು ಬರುತ್ತಿವೆ. ಅದಕ್ಕೆ ನಾವು ಮೊದಲೇ ಪ್ರಿಪೇರ್​ ಆಗಿದ್ದೆವು. ಡಬ್​ ಮಾಡಬೇಡಿ ಅಂತ ದರ್ಶನ್​ ಅವರು ಎಂದಿಗೂ ಹೇಳಿಲ್ಲ. ರಾಕ್​ಲೈನ್​ ವೆಂಕಟೇಶ್​ ಅವರು ಮಾತುಕತೆ ನಡೆಸುತ್ತಿದ್ದಾರೆ. ಶೀಘ್ರದಲ್ಲೇ ಆ ಬಗ್ಗೆ ಅಧಿಕೃತ ಘೋಷಣೆ ಆಗಲಿದೆ’ ಎಂದು ತರುಣ್​ ಸುಧೀರ್​ ಹೇಳಿದ್ದಾರೆ.